2014 ел Татарстан Президенты Рөстәм Миңнеханов  Указы нигезендә Мәдәният елы дип игълан  ителде. Шул уңайдан Үзәк китапханәнең татар һәм туган як турындагы әдәбият бүлеге "Мәдәният дөньясында. В мире культуры.”дип исемләнгән китап күргәзмәсе оештырды. "Татарстанның мәдәни мирасы” бүлегендә Татарстан  тарихы, мәдәнияте , сәнгате турында  китаплар тупланган. Икенче  "Халык мәдәнияте чыганаклары” бүлегендә  татар авыз иҗаты, татар халкының тормыш һәм көнкүреше, йолаларына багышлаган материаллар урын алган. Татар халкының күренекле язучылары, артистлары, композитор һәм рәссамнары белән кызыксынган кешеләр "Мәһшүр якташларыбыз” дигән бүлектән үзләренә кирәкле китапларны таба алалар. "Мәдәни вакыйгалар марафоны” бүлеге сезне бүгенге көндә мәдәният өлкәсендә барган вакыйгалар белән таныштыра. Ә инде "Туган ягыбыз җәүһәрләре” бүлеге үзебезнең Алабуга төбәгендә яшәп иҗат итүче язучы һәм шагыйрьләребезгә багышлана. Фазыл Шәех, Гөлзада Әхтәмова, Кадрия Наил, Дибәҗә Каюмова, Гарәфи Әгъләмҗан, Сания Исмәгыйлева, Тәслимә Кәримова һ.б. язучыларыбыз әсәрләрен укый аласыз.

  Күргәзмә мәдәният,әдәбият, сәнгать  белән кызыксынган кешеләрне көтеп кала.
                                                                                 Раушания Валеева