Үзәк китапханәнең татар һәм туган як турындагы әдәбият бүлегендә 5 май көнне Бөек Җиңүнең 69 еллыгы уңаеннан “Батырлар даны мәңгелек” дип исемләнгән искә алу кичәсе узды. Кичәдә 2 нче татар гимназиясе укучылары катнашты. Алар Алабуга шәһәреннән сугышка китеп, батырлыклар күрсәткән Советлар Союзы Геройлары  турында мәгълүмат алдылар. Укучылар үзләре Бөек Ватан сугышы темасына   шигырьләр сөйләделәр. Укучылар белән без халкыбызның дошманны җиңүгә этәргеч биргән гүзәл сыйфатларын искә төшердек.Ул – сабырлык, кыюлык, батырлык, ныклык, Ватанга мәхәббәт һәм тугрылык.

    Рәсәй бүген бәйрәм итә,

    Карап булмый тыныч кына,

    Чал ветеран ләгънәт укый!

    “Тик булмасын сугыш кына!”

     Сугыш кичкән карт солдатның

     Бер сүз каба сулышына

     Кабатлый ул дога итеп

     “Тик булмасын сугыш кына!”