25 август – җәлилчеләр көне.

1944 елның 25 августында 11 татар улының – Гайнан Кормаш, Фоат Сәйфелмөлеков, Абдулла Алиш, Фоат Булатов, Муса Җәлил, Гариф Шабаев, Әхмәт Симаев, Зиннәт Хәсәнов, Абдулла Батталов, Әхәт Атнашев һәм Сәлим Бохаровларның – фашистлар суды карары белән гомерләре өзелде.Бу каһарманнарның исемнәре һәм тормыш юллары бүгенге һәм киләчәк буыннар өчен гаделлек үрнәге, ихтыяри көч символы булып тора. Еллар үткән саен җәлилчеләрнең батырлыгы турында яңадан-яңа мәгълүматлар ачыла тора. Муса Җәлил һәм җәлилчеләрнең батырлыгы турында күбрәк белергә теләгән укучыларыбызны Үзәк китапханәнең татар һәм туган як турындагы әдәбият бүлегендә “Каһарманнар мәңге яшиләр” дип аталган китап күргәзмәсе белән танышырга чакырабыз. Рәхим итегез!