15 апрель көнне Үзәк китапханәнең уку залында яшь каләм тибрәтүче Эльвина  Яхина белән очрашу кичәсе һәм  аның «Кыш чәчәге” китабына презентация булды. Эльвина Яхина бүгенге көндә Алабуга медицина көллиятендә белем ала, “Чулман” әдәби-музыкаль берләшмә әгъзасы, “Яшь журналист” түгәрәге вәкиле. Кичәне китапханәче Раушания Вәлиева ачты. Кичәдә Эльвинаның әти-әнисе, элек бергә укыган 2 нче гимназия укучылары,  Алабуга медицина көллияте студентлары, “Чулман” әдәби-музыкаль берләшмәсе вәкилләре Гөлзадә Әхтәмова белән Кадрия Наил , “Яшь журналист” түгәрәгенә йөрүче укучылар, Рафис Заһидуллин,татар теле  укытучылары  катнашты. Алар чыгыш ясап,  Эльвинага иҗади уңышлар теләделәр. Эльвина үзенең төрле темага язылган шигырьләрен укыды. Рубис Зарипов көенә язылган җырларын үзе Эльвина башкарды. Аның моңлы тавышына бөтен кеше шаккатты. Кичә бик күңелле узды.

http://elbibl.at.ua/photo/?photo=1627

http://elbibl.at.ua/photo/?photo=1628

http://elbibl.at.ua/photo/?photo=1629

http://elbibl.at.ua/photo/?photo=1630

http://elbibl.at.ua/photo/?photo=1631