2014 ел - Россиядә дә , Татарстанда да Мәдәният елы дип игълан ителде. Үзәк китапханәнең татар һәм туган як турындагы әдәбият бүлеге Мәдәният елын медицина көллияте студентлары белән "Халкыбызның күркәм йолалары” дип аталган бәйрәм чарасы белән башлап җибәрде. Татар халкы үзенең борынгы тарихы, традицияләре, әдәбияты, сәнгате, матди һәм рухи байлыгы белән күпләргә үрнәк булып тора.Татар милли киемнәре – үзе бер гүзәл дөнья. Осталар чиккән калфаклар, түбәтәйләр, камзуллар, чигүле алъяпкычлар, бәби итәкле күлмәкләр, күннән эшләнгән читек-кәвешләр искиткеч матур. Студентлар шушы милли татар киемнәре белән таныштылар.Татар халкының көнкүрешендә иң күп кулланыла торган сөлгеләр турында сөйләнде. Сөлгеләр яшь кызларның, яшь киленнәр өчен дә бик кадерле булган. Алар кияүгә чыгар алдыннан үз куллары белән сөлгеләр сукканнар, шул сөлгеләрнең матурлыгына карап аларның уңганлыгы бәяләнгән. Кичәдә кыз ярәшү, никах, килен төшерү кебек татар халкының йолалары турында да сүз алып барылды. Шулай ук татар халкының милли бәйрәмнәре – "Нәүрүз”, "Сөмбелә” "Сабантуе”, "Карга боткасы”,”Нардуган” турында сөйләнде. Бәйрәм азагында медицина көллияте студентлары татар халык биюләрен башкарды. Мәдәният елы уңаеннан татар һәм туган як турындагы әдәбият бүлегендә оештырылган "Мәдәният дөньясында. В мире культуры”дип аталган китап күргәзмәсе белән таныштылар.

                                                                  Раушания Вәлиева Китапханәче.