Бу көннәрдә барыбыз да ихлас горурлык белән олы бәйрәм – Республика көнен билгеләп үтәбез. 1990 елның 30 августы – Татарстан Дәүләт суверенитеты турында декларация кабул иткән көн – дәүләтчелегебез үсешендә яңа сәхифә ачты. Татар һәм рус  телләре тигез хокуклы дәүләт телләре булып расланды, нинди милләттән булуларына, социаль чыгышлары, диннәре, сәяси инанулары нинди булуга карамастан, барлык гражданнарга тигез хокук гарантияләнде. Шушы еллар эчендә ил һәм дөнья күләмендә Татарстанның дәрәҗәсе нык күтәрелде. Барлык милләт халыклары дус һәм тату, кулга-кул тотынышып гомер кичерә. Шушы уңайдан Үзәк китапханәнең татар һәм туган як турындагы әдәбият бүлеге сезне барыгызны да бәйрәм белән тәбрик итә һәм “Халыклар дуслыгы – Татарстан байлыгы” дип аталган китап күргәзмәсе белән танышырга чакыра. Рәхим итегез!