12 май көнне Үзәк китапханәнең уку залы студетлар, укучылар, мөгаллимнәр, килгән кунаклар белән тулы иде.Китапханәдә  Алабуга мәдәният һәм сәнгать көллияте мөгаллимәсе, “Чулман” әдәби-музыкаль берләшмә җитәкчесе Фәридә Нургали кызы Хәбибрахманованың юбилее уңаеннан иҗат кичәсе узды.Кичәдә Алабуга мәдәният һәм сәнгать көллияте директоры Альфира Гильмулловна Әкбирова, көллият укытучылары, студентлар катнашты. Чаллы төбәгеннән кунаклар - язучылар Факил Сафин, Рәшит Бәшәр һәм Роза Хәмидуллина килгән иде. Алар Фәридә ханымны котлап чыгыш ясадылар. Владимир Мироваев белән Людмила Гатауллина Фәридә Нургалиевна сүзләренә язган җырларны башкардылар. Көллият студентлары шигырьләрен укыдылар. Көллият укытучылары Тәҗрия Васимовна белән Фәйрүзә Габдулловна Фәридә ханымны юбилее белән котладылар. Студент Филизә җыр бүләк итте.”Чулман” әдәби-музыкаль берләшмә әгъзасы, Татарстан Язучылар берлеге әгъзасы Гөлзадә Әхтәмова Фәридә Нургалиевнага атап язган шигырен укыды. 8 нче мәктәп укытучысы Сәлимә Нотфуллина Фәридә Хәбибрахманованың иҗаты буенча мәктәптә укучылар белән  фәнни өйрәнү эшләре алып баруы турында  сөйләде. Кичә җыр һәм шигырьләр белән үрелеп барды. Кичәне китапханәнең бүлек мөдире Нурия Камиловна Закирова белән татар һәм туган як турындагы әдәбият бүлеге китапханәчесе Раушания Вәлиева алып барды. Кичәдә Алабуга медицина көллияте студентлары да катнашты.

http://elbibl.at.ua/photo/?photo=1853