12 февраль  көнне Үзәк китапханәнең татар һәм туган як турындагы әдәбият бүлегендә каһарман шагыйрь Муса Җәлилнең тууына 110 ел тулуга багышланган кичә узды. Яшәеше, көрәше белән XX гасырның  батырлык һәм ватанпәрвәрлек символына әверелгән Муса Җәлилнең тормыш сукмагы серле дә, фаҗигале дә.Алабуга медицина көллияте студентларын  Муса Җәлилнең серле һәм фаҗигале тормыш юлы, аның бөтен дөньяга көчле рух символы булган    “Моабит дәфтәрләре”һәм башка патриотик шигырьләре белән  китапханәче Раушания Вәлиева таныштырды. Җәлил шигъриятенең иң якты, матур, сокландыргыч сәхифәсе  - аның мәхәббәт лирикасы. Студентлар мәхәббәт лирикасына  кергән шигырьләрен дә кызыксынып тыңладылар. “Мин тез чүкмәм ,катыйль, синең алда...” дип исемләнгән кичә Муса Җәлил турында төшерелгән фильм карау белән тәмамланды.

http://elbibl.at.ua/photo/?photo=1274