Бөек Җиңүнең 70 еллыгы.

    Үзәк китапханәнең татар һәм туган як турындагы әдәбият бүлеге Бөек Ватан сугышы ветераннары белән “Онытылмас бу көннәр гомергә” дип аталган очрашу кичәсе уздырды. Очрашуда Бөек Ватан сугышы ветераны Нуретдин Нәфигулла улы Рәхмәтуллин белән Эчке эшләр бүлеге ветераны Вәли Нәҗип улы Кашапов катнашты. Нуретдин ага сугышта күргәннәрен бәян итте. Ул 7 ел хезмәт итеп, Германия һәм Японияне җиңгән өчен медальләр белән кайта. Эчке эшләр бүлеге ветераны Вәли Кашапов студентларны үзенең матур тавышы белән таң калдырды.Ул ике җыр  башкарды. Шулай ук кичәдә мәдәният һәм сәнгать колледжы студентлары ветераннарга шигырьләр һәм җырлар бүләк иттеләр. Очрашу кичәсенә медицина көллияте студентлары чакырулы иде. Кичәне китапханәче Раушания Вәлиева алып барды. Соңнан ветераннар белән әңгәмә чәй өстәле артында дәвам итте.

http://elbibl.at.ua/photo/?photo=437