Татар халкының бөек шагыйре Габдулла Тукай язгы ташулар вакытынла дөньяга килеп, беренче тургайлар сайраган вакытта мәңгелеккә күчә. Арада нибары 27 ел. Кыскалыгын кыска да бит, ләкин шул вакыт аралыгында бөтен татар дөньясы аны үзенең улы дип таныды. Тукай  27 ел гомеренең 8 елын иҗатка багышлый. Шул  сигез ел эчендә ул ун меңнән артын шигъри юл, ягъни 400 дән артык шигырь, 9 поэма һәм 50 биткә якын проза әсәре язып калдыра.

  22 апрель “Китапханәләр төне” кысаларында Үзәк китапханәнең татар һәм туган як турындагы әдәбият бүлегендә “Тукай дөнья буйлап атлый” дип аталган кичә узды. Кичәдә Алабуга картлар һәм инвалидлар йортында тәрбияләнүчеләр катнашты. Алар Габдулла Тукайның тормыш юлы һәм иҗаты белән таныштылар. Китапханәче Раушания Вәлиева аларга  Тукайның мәхәббәте турында сөйләде. Китап күргәзмәсенә күзәтү ясалды, Тукайның китапларын үз кулларын алып хозурландылар. Г.Тукай шигырьләрен тыңладылар. Кичә азагында”Тик икәү без: Уй да мин...” дип аталган шигъри спектакль карадылар. 

http://elbibl.at.ua/photo/?photo=1707

http://elbibl.at.ua/photo/?photo=1708

http://elbibl.at.ua/photo/?photo=1709