Үзәк китапханәнең татар һәм туган як турындагы әдәбият бүлегендә “Идел” журналының  25 еллык юбилее уңаеннан “Афәрин! “ИДЕЛ” дип аталган журнал күргәзмәсе эшли.

“Идел”-  Казанда татар телендә чыгучы яшьләр журналы. Журналның рус телендә “Идель” исемле варианты басыла. Журналда сез каләм тирбәтүче  яшь язучыларыбызның әсәрләре, шигырьләре белән таныша аласыз. Яшьләр тормышын , аларның бүгенге көнгә мөнәсәбәтен чагылдырган  материаллар журналда зур урын алып тора. Шулай ук яшь артистлар, эстрада җырчылары  белән әңгәмәләр дә басылып тора.  Әдәби-нәфис, иҗтимагый-сәяси журнал һәр укучының күңеленә үтеп керә. “Идел” журналын укырга китапханәгә көтеп калабыз